د ښځې­توب معجزه

د ښځې­توب معجزه
۱۰٫۶٫۱۳۹۶
communications

لیکواله: فاطمه فیضی

ژباړه: شریفه پاڅون

« د ښځې توب معجزه » د هغه کتاب نوم دی چې د افغانستان د معلوماتو د مرکز د خپرونو د څانګې له خوا د ۵۰۰ توکو په شمیر  نوې په ښکلې بڼه د ۲۱×۵،۱۳سانتی مترو په  کچه خپور شوی او د ویش او خرڅولو لپاره چمتو دی.

نوموړی کتاب  په څلورو رنګونو  او ۱۱۲ پاڼو کې  د لنډوکیسو هغه ټولګه ده چې د اغلی فاطمه فیضی په زیار راټولې او د مېرمن شریفه پاڅون  له خوا پښتو ته ژباړل شوی دی.  له سریزې برسیره، د لنډو کیسو نومونه په لاندې توګه دی:

د ښځې توب معجزه

یوه نجلۍ له پیک لرونکې خولۍ سره

ت لکه تنهایی(یوازې توب) ت لکه تلاش(هڅه).

دنګ چنارونه

له ژونده ستومانه

له یوې خپګانه ډکې ورڅې پاتې شونې

زه پای ته نه رسم

شپږ ویشت کلنه خپه یم!

د بامیان سپوږمۍ

د ښځې بل نوم قربانی ده

بدخشانۍ فیروزې

 

هریو داستان (کیسه) په روانه ساده  دری او پښتو ژبو، په ښکلو پاڼو کې اوډل شوې چې دا کتاب یوه هڅه ده چې لیکوالې  د ښځو ژوند د خپل لیدلوری له مخې تفسیر او موږ ته یې څرګندوی.

د دې کتاب لیکنې  لوستونکی انسانی مینې، د غوره، نیکو او لوړو هدفونو، د ثبات د دوام، او نورو ته د درناوۍ له پاره هڅوی.

د لیکوالې په نظر: ټولنه باید باور وکړی چې  ښځې غښتلې دی او ډېر توان لری چې ستونزې وزغمی او د حل لارې ورته پیدا کړی. هغوی ډېرې سرښندونکې، زړورې او پنځوونکې دی. ښځینه مینه او عاطفه میرمنو ته  دا توان ورکوی چې د سختیو په وړاندې له نارینه وو نه ښې او غښتلې ودرېږی.

 

د اغلې فاطمې په نظر: ښځې د انسانانو په توګه دې نړۍ ته راځی، خو د ژوند په اوږدو کې د ټولنې له خوا  ټکول کیږی، محدودیت او انکار ورباندې تحمیل کېږی. وړو جینکو ته له اول سره ویل کېږی چې کوم کارونه ښه دی او کوم بد. هغوی د (نه) له اورېدو سره روږدی کېږی او دا کلیمه د دوی د ژوند یوه برخه ګرځی او هغوی هم دغه ټکونه او محدودیت راتلونکې نسل ته لېږدوی، مګر دا چې لړۍ وشلېږی او ښځه هغه دریځ پیدا کړی چې وړ یې دی.

 

هیله لرم چې دا کتاب یوه وړه هڅه وی چې د ښځو ژوند ته په ښه نظر وکتل شی او د ښځو د ژوند او توان په باب د لید زاویه  بدله کړی. ددې کتاب داستانونه د همدې ټولنې د ښځو د ژوند ویندوی دی. د هغو ښځو چې ښایی زموږ په چاپېریال کې ژوند کوی، زموږ د کورنۍ غړې دی ، یا مو دوستانې او یا مو هم همکاره دی.

ددې کتاب کیسې بېخی ریښتینې دی، خو د ځینو مجبوریتونو له مخې یې نومونه په مستعار ډول تاکل شوی، چې له بېلابېلو ښارونو نه راټولې شوې. د دې داستانونو غږیز فایلونه(ثبت شوې مصاحبې) د لیکوالې په واک کې ورکړ شوی. او لیکوالې د سرمشق او بېلګې  په توګه د دې کیسو روایت  د داستان ډول  کښلی دی.

خپروونکی: په کابل پوهنتون کې د افغانستان د معلوماتو مرکز  (ACKU)

لومړی چاپ: ۱۳۹۶ ل. کال/ ۲۰۱۷ ز.

 

 

د پلورلو ځای:

په کابل پوهنتون کې د افغانستان د معلوماتو مرکز

د افغان سید جمال الدین د زیارت ترڅنګ

د اړیکې شمیره: ۰۷۰۰۲۴۴۹۳۸

دملګری سره شریک کول

Comment







برای تنظیمات گراواتار به عنوان عکس کاربری تان لطفابه سایت گراواتارمراجعه کنید