Description

د افغان ماشومانو او تنکیو ځوانانو لپاره روزنیزې کیسې ،  په دې کتاب کې د بېلابېلو کلتورونو او عقایدو په اړه د نړۍ له ګوټ ګوټ څخه یوولس لنډې روزنیزې کیسې ځای پر ځای شوې دي. دغه کیسې د ماشومانو او تنکیو ځوانانو لپاره الهام بښونکې او روزنیزې دي.

دا کیسې د هغو سترو نارینه وو او ښځو د مبارزو رښتینی روایت دی چې د ازادۍ، برابرۍ، عدالت او انساني کرامت لپاره یې هلې ځلې کړې او په پای کې بریالي شوي دي.

د دې رښتینو کیسو په لوستلو سره په دې پوهیږو چې انسان انسان دی، تور او سپین رنګونه او بېلابېل توکمونه په نړۍ کې د عالم د هستۍ زیاتوالی ښيي. د نورو هیلو او غوښتنو، عقیدو او سلیقو ته په درناوي سره کولای شو چې موږ له تاوتریخوالي او جګړې څخه لرې انساني ژوند ولرو.

زده کوو، سوله هلته ممکنه ده چې انسانان یو بل له ټولو فزیکي او باوري یا عقیدوي توپیرونو سره ومني او ورسره مینه ولري.

په دې کیسو کې د نړۍ له تاریخي څېرو او مشهورو شخصیتونو څخه هم یادونه شوې او د هغوی د کړنو او چال چلند په اړه رښتینې کیسې بیان شوې دي.

د افغان ماشومانو او تنکیو ځوانانو لپاره روزنیزې کیسې

له انګلیسي څخه دري ژباړه: پروین پژواک

له دري څخه پښتو ژباړه: لعل اقا شیرین

طراحي او رسامي: له ژباړل شویو کتابونوڅخه

د پښتۍ طرح: محمد مظفري

(ACKU)خپروونکی: په کابل پوهنتون کې د افغانستان د معلوماتو د منبع مرکز

لومړی چاپ: ۱۳۹۵ لمریز/ ۲۰۱۶ م، کابل، افغانستان

©  Copyright ACKU. Publication, resale, distribution and commercial use are prohibited.

© حق نشر متعلق به مرکز معلومات. انتشار، فروش مجدد، توزیع و استفاده تجاری ممنوع است.

© د چاپ حق د معلوماتو مرکز پورې اړه لري. خپرول، بیا پلورل، ویش او سوداګریز کارول منع دي.