Description

 په افغانستان کې وگړنيزې او عنعنوي ټکنالوژۍ ته یوه کتنه ، زموږ د وياړلي هېواد افغانستان خلکو لا د پنځلسمې او شپاړسمې پيړيو په ترڅ کې يعنې د اروپا له راویښیدو مخکې د صنعت، سوداګري او کرهنې په برخه کې زيات برياليتوبونه لرل او خپله ځانګړی ټکنالوژي یې کاروله يو مهال زموږ هېواد د سوداګريزو لویو لارو او پرمختللي تمدن مرکز او د لويو لويو کاروانسرايونو او پړاوونو لرونکی و. وروسته بیا یو مهال د پرديو د يرغل په وړاندې تر و ټولو پیاوړی ساتونکی هیواد و. د بیلابیلو توليداتو، صنايعو او توليدي اجناسو په برخه کې هم تر ټول مخکښ و.

انسانانو د خپل زیار او هڅو په برکت د ژوند د ډيرو ښو لارو چارو د موندلو لپاره له يوه لومړني حالت څخه يوه مدني او پرمختللي حالت ته ځان ورساوه او د هوسا ژوند امکانات يې ځانته چمتو کړل. لومړني انسان زرګونه کاله مخکې په سمڅو کې ژوند کاوه. د دوی لومړني کشفیات داوو چې د ښکار کولو لومړني وسايل يې جوړ کړل. ورو ورو يې د وخت په تیریدو سره اور وپیژاند د اور پیژندنه د انسان ډیر لوی کشف او د ده په ژوند کې يو بنسټيز بدلون و.

په افغانستان کې وگړنيزې او عنعنوي ټکنالوژۍ ته یوه کتنه

لیکوال: پوهاند محمد بشیر دودیال

پښتی انخور: نجیب الله مهرزاد

(ACKU)خپروونکی: په کابل پوهنتون کې د افغانستان د معلوماتو د منبع مرکز

294: پرله پسی نومره

لومړی چاپ: 1392 هجري لمريز

©  Copyright ACKU. Publication, resale, distribution and commercial use are prohibited.

© حق نشر متعلق به مرکز معلومات. انتشار، فروش مجدد، توزیع و استفاده تجاری ممنوع است.

© د چاپ حق د معلوماتو مرکز پورې اړه لري. خپرول، بیا پلورل، ویش او سوداګریز کارول منع دي.