Description

ګلالیو ماشومانو ته دوه په زړه پورې کیسې ، د لومړۍ کیسې اصلي کرکټر، د ارزو او ارمان په نومونو دوه واړه کوچني اتلان دي، چې د ډوډۍ پېرودلو له پاره ارمان نانوایي ته ځي او د لارې په اوږدو کې له میوه پلورونکي سړي سره مرسته کوي چې ارزو مرسته نه شي کولی؛ خو په حیرانتیا ګوري چې د چټلو اوبو له ویالې د میوې کراچۍ او میوه پلورونکي پورې ایسلو له پاره ارزو غوره حل لاره لري.

دویمه کیسه د نازګل د هیلې ده. نازګل ښوونځي ته د تلو مینه واله ده، خو څرنګه چې نجلۍ ده فکر کوي چې ښایي کورنۍ اجازه ورنه کړي، خو د کیسې په پای کې ګورو چې څه ډول د نازګل پلار او مور ښوونځي ته د هغې له تلو سره لیوالتیا ښیي او نازګل ته د زده کړو زمینه برابروي. په دې توګه د نازګل هیلې پوره کېږي. 

د خدای کړه وو د بنده ورته کاته وو یوه نجلۍ وه په نوم د نرګس تازه لکه د ګل شوخکه وه په شان د شوپرکې. له انځورګرۍ سره یې ډېره ډېره مينه د ټولګي ديوالونه به یې ډک وو په انځورونو. بس بيخي د نازګلې غوندې زموږ د داستان د اتلې غوندې يې ډېرې هیلې په سر کې لرلې لويه هيله يې دا وه چې يوه ورځ نه یوه ورځ انځورګره شي. د انځورګرۍ او رسامۍ د زده کړې کورسونو ته لاړه. خپلې هیلې ته د رسیدو په لاره کې يې ډېرې هلې ځلې وکړې. ازموینو ته ورغله؛ تل به یا اوله یا دویمه راتله. انځورونه يې ډک وو له مينې له هیلې او له خوشحالۍ.

 

ګلالیو ماشومانو ته دوه په زړه پورې کیسې

 لیکوال: اغلې نرګس نوري

 ژباره:  پیر محمد کاروان

د کتاب انځورونه او دیزاین:  نرگس نوري

ACKU خپروونکی : په کابل پوهنتون کې د افغانستان د معلوماتو مرکز

د چاپ نیټه: ۱۳۹۵ ل ./ 2016 ز. کال

 

©  Copyright ACKU. Publication, resale, distribution and commercial use are prohibited.

© حق نشر متعلق به مرکز معلومات. انتشار، فروش مجدد، توزیع و استفاده تجاری ممنوع است.

© د چاپ حق د معلوماتو مرکز پورې اړه لري. خپرول، بیا پلورل، ویش او سوداګریز کارول منع دي.