توضیحات
د ماشومانو او تنکيو ځوانانو لهپاره د دې په زړه پورې کيسې مرکزي کرکټرونه وړوکې فيله، طوطي او بيزو دي. د کيسې صحنې يو له بل سره ټينګ تړاو لري او د تلوسې او تړونکو هنګرونو پر مټ يې نه شلېدونکی پلاټ او جوړښت خپل کړی دی. د کيسې ژبه او محتوايي ادبیات د ماشومانو او تنکيو ځوانانو له سويې سره برابر او پيغامونه په اسانۍ د هغوی لهپاره د هضم وړ دي. په کيسه کې د زېړې زرغونې ساينسي تجربه راغلې ده چې زدهکوونکي د دا ډول نورو ساينسي تجربو ترسره کولو ته هڅوي.
په کيسه کې د کرکټرونو يو ډېر ښه امتزاج تر سترګو کېږي. د نوښت په موخه هڅه شوې چې په ځینو صحنو کې د څارويو او انساني کرکټرونو ترمنځ ډيالوګ تبادله شي او په دې ډول کيسه کومېډيکه شي. دا کيسه د سالمو او ګټورو لوبو لهپاره ځينې پيغامونه لري چې د کيسې د کرکټرونو ترمنځ د سرکس له لارې ځينې لوبې معرفي شوې دي او په دې سربېره له کم عمره څارويو سره د هغو پوښتنو د ځواب موندنې هڅه شوې چې لويان يې له ځواب ويلو ډېر ځله ځان چپوي.
کيسه په يوه مثبت پيغام سره پای ته رسېدلې ده. د کيسې مرکزي کرکټر (وړوکې فيلې) د سرکس په ميدان کې د زېړې زرغونې جوړولو يوه په زړه پورې ننداره وړاندې کړې ده.
نقد و بررسیها
هنوز بررسیای ثبت نشده است.