توضیحات
د ماشومانو لپاره شعرونه اوترانې
«خوښ چې ماشومان وي» د هغه کتاب نوم دی چې د افغانستان د معلوماتو د مرکز د خپرونو څانګې له خوا په ښکلې بڼه ۲۰×۲۰ سانتي متره کچه خپور شوی دی.
نوموړی کتاب په څلورو رنګونو او( ۳۰) پاڼو کې د ماشومانو او تنکیو ځوانانو له پاره بیلا بیل ساده او لنډ شعرونه او منظومې ترانې لري چې د ښاغلی پیر محمد کاروان په زیار لیکلې او را ټولې شوي دي. د یو شمیر دغو شعرونو عنوانونه دا دي :
حمد، نعت، ماشومانو ته سندره، زما کور، د جنګ ځپلې ماشوم ارمان، د معلم مقام، د کب ترانه، د کوترې سندره، د پسرلي غږ، د مکتب د زنګ اواز، د پسرلي ترانه، ماشوم ته لارښوونه، تاک، ا لفبې ترانه، منی، د توت ترانه او د ژمې ترانه. دا د هغو وړو وړو شعرونو او ترانو سرلیکونه دي چې په دې ټولګه کې له ښکلو انڅورونو سره چاپ شوي دي.
زه په پستو پستو وږمو ښکلی یم یم پسرلی په ونو شنو ښکلی یم
لکه تور ، سور ، زرغون بیرغ د وطن د هر یو گل په رنگینو ښکلی یم
هريو موسم لري ځانگړې ښکلا خو زه په څو رنگه رنگو ښکلی یم
اوړی او منی په ميوو دي خواږه زه په غوټیو په غونچو ښکلی یم
ژمی په سپینو واورو ښه ښکاريږي زه د باران په وریدو ښکلی یم
د کتاب لیکوال: ښاغلی پیرمحمد کاروان
انځورګر: احمد مومنی
ډیزاین: رضا پارسا
ACKU خپروونکی : په کابل پوهنتون کې د افغانستان د معلوماتو مرکز
د چاپ نیټه: ۱۳۹۶ ل ./ 2017 ز. کال
© Copyright ACKU. Publication, resale, distribution and commercial use are prohibited.
© حق نشر متعلق به مرکز معلومات. انتشار، فروش مجدد، توزیع و استفاده تجاری ممنوع است.
© د چاپ حق د معلوماتو مرکز پورې اړه لري. خپرول، بیا پلورل، ویش او سوداګریز کارول منع دي.
نقد و بررسیها
هنوز بررسیای ثبت نشده است.